Os nosos proxectos
A Fundación Brandomil nace co obxectivo de recuperar a historia e poñer en valor o patrimonio cultural desta parroquia de Zas, polo que as diferentes actividades desenvoltas pola fundación van encamiñadas a cumprir dito obxectivo.
Obxectivos da fundación
Dada a extraordinaria relevancia do patrimonio cultural de Brandomil, en especial o arqueolóxico, a fundación contempla e proponse realizar diversos e ambiciosos proxectos a corto, medio e longo plazo.
Citamos a continuación algún destes proxectos a curto plazo:
- Estudo e tratamento dos numerosos materiais arqueolóxicos atopados durante as escavacións levadas a cabo, nos anos 2007-2008, polo arqueólogo Juan Naveiro López no marco do proxecto Vías Atlánticas, liderado pola Diputación da Coruña. Para isto, a fundación está realizando xestións coa Diputación , que acolleu este proxecto de xeito moi favorable.
- Publicación dunha monografía sobre Brandomil Romano, na que se recollan, de xeito exhaustivo e sistematizado, tanto a historia e características do xacemento romano de Brandomil como todos os descubrimentos arqueolóxicos atopados neste.
- Creación dunha biblioteca dixital na que se citen, resuman ou reproduzcan todas as publicacións científicas que traten sobre Brandomil, en particular as relativas á ponte histórica e ao xacemento arqueolóxico.
- Promoción do Camiño de Santiago a Muxía por Brandomil mediante diversas actuacións. A máis inmediata é a publicación e difusión en inglés da guía do Camiño de Santiago a Muxía por Brandomil,, elaborada por Manuel Vilar e editada por Alvarellos
Historia
Entender mellor a nosa historia é a mellor maneira para escribir o noso presente e o noso futuro, por iso dende a fundación temos como obxectivo primordial poder traballar para recuperala e poder entender cal era o papel que tiña Brandomil hai centos ou miles de anos. Por iso, traballaremos para recuperar parte da nosa historia, para poder facer un presente e futuro sostible para os veciños actuais e os que están por vir.
Arqueoloxía
A arqueoloxía de Brandomil é unha peza clave dentro da historia de Galicia e incluso da Península Ibérica, é por iso polo que dende a fundación queremos brindar todo o noso apoio e esforzos, xa non só para descubrir novas pezas senón tamén para recuperar as existentes e poder crear un centro de interpretación no que se expoñan para que todos aqueles que queiran gozalas e visitalas poida facelo.
Camiño de Santiago
Este proxecto co que colabora a fundación é un traballo que comezou a investigar e traballar a Asociación Grandimirum. A finalidade do proxecto é escudriñar sobre a base histórica do Camiño de Santiago a Muxía por Brandomil, investigación para a que se contou co recoñecido doutor en Antropoloxía, Manuel Vilar, o cal preparou o informe entregado en Patrimonio e tamén foi o autor da guía Camiño de Santiago a Muxía por Brandomil, publicada pola Editorial Alvarellos.
A guía presentouse grazas ao apoio de diferentes concellos involucrados e tamén gracias ao apoio da Fundación Brandomil.
Literatura
O que non está escrito non existe, e por iso polo que dende a Fundación Brandomil nos parece fundamental xuntar e intentar recuperar toda aquela literatura e cultura popular creada ou que faga referencia a este lugar. Autores tan importantes e recoñecidos como Pondal empregaron o nome de Brandomil para designar a algún dos seus personaxes heroicos, pero ademais disto, tamén queremos recuperar cancións populares dos nosos maiores, as historias, as lendas. Queremos que todo isto non caia no esquecemento e poida ser coñecido polas próximas xeracións.